Xayrli kun, aziz o’quvchilar. Biz litseyimiz o‘quvchilar kengashi rahbarlari bilan yangi qiziqarli suhbatlar silsilasi bilan e’tiboringizga qaytyabmiz. Marafonimizni boshlab berib, «IHT VOLONTEERS» sobiq rahbari va shuningdek, ijtimoiy-gumanitar yo’nalishning 2-kurs talabasi IHT SU prezidenti Anora Hoshimxo’jaeva o’z yo’li haqida so’zlab beradi.
Litseydagi birinchi kuningizni eslaysizmi, u qanday o’tgan edi?
Birinchi kursda litseyda o‘qishni boshlaganimda Covid-19 tarqalishi eng avjiga chiqqanligi sababli karantin davrida edik, shuning uchun dastlabki ikki hafta davomida biz Zoom platformasida on-layn o‘qidik. O’sha birinchi kuni men dars boshlanishidan bir necha soat oldin uyg’onib, kompyuter oldida o’tirganim va yangi qiziqarli narsalarni kutganim esimda qo’lgan. Litsey o’quvchilari bilan birinchi bor yuzma-yuz uchrashgan kunimdagi xissiyotlarim aniq esimda qolganiga ishonchim komil emas-ku, ammo birinchi darsga borganimdagi hayajonimni unutolmayman.
O’qish qiyin bo’lganmi? Sizning sevimli darsingiz nima?
Men maktabda va litseyda o’qish o’rtasida sezilarli farq borligini his qildim. Shu sababdan avvaliga boshqa muhit va ish sur’atiga ko’nikishim kerak edi, lekin shu yangilikka tezda o’rganib, keyin hech qanday qiyinchiliklarni sezganim yo’q. Mening sevimli fanim “Ma’naviyat asoslari”dir, chunki bu juftlik davomida har qanday o‘quvchi nafaqat bir-biri bilan, balki kattalar – o‘qituvchisi – bilan ham o‘z fikrlarini baham ko‘rish, shuningdek, uning ma’lum bir mavzu bo‘yicha mulohazalarini eshitish imkoniyatiga ega bo‘ladi.
Nima deb o’ylaysiz, agar o’qituvchilardan siz haqingizda so’rashsa, ular sizni qanday ta’riflagan bo’lardi?
O’sha darsga bormaydigan qiz, deyishsa kerak.
Ayting-chi, saylovga qanday tayyorgarlik ko‘rgansiz? Sizga yordam bergan odam bormi?
Saylovga jiddiy tayyorgarlik ko‘rgan edim. Men texnik muammolar bilan yakunlangan taqdimotimni chiroyli tarzda loyihalashtirishga harakat qilgandim. Men o’quvchilarga ularni nima qiziqtirayotgani, ularda qanday g‘oyalar yoki takliflar borligi, shuningdek, yangi prezidentdan nimani olishni xohlashlarini so‘radim. Saylovda menga juda ham yaqin bo‘lgan sinfdoshlarim yordam berishdi.
Natijalar e’lon qilinganda qanday his-tuyg’ularni boshdan kechirdingiz?
Natijalar e’lon qilinmaguncha, men bu lavozimning to’liq imkoniyatlarini tushunmagan edim. Men o’ylagan birinchi narsa umid va menga yuklangan mas’uliyat edi. Ammo bu meni umuman qo‘rqitmadi.
Bu yilgi SU tarkibi sizni qoniqtirdimi? Siz qanchalik tez-tez bahslashdingiz?
Ha, hozirgi SU tarkibidan juda mamnunman, barcha qizlarim juda mas’uliyatli, qat’iyatli va mehnatkashdir. SLEO yo‘nalishi rahbari Asalni mehnatsevarligi uchun alohida ta’kidlab o‘tmoqchiman. Agar nizolar haqida gapiradigan bo’lsak, bizda ular salkam yo’q edi desa ham bo’ladi.
Sobiq SU tarkibi bilan aloqani ushlab turasizlarmi?
Ha, o‘tgan yilgi bitiruvchilar bilan doimo aloqadaman. Xususan, sobiq prezident Amirslonov Iskandar bilan. Birinchi yilimda u mening ustozim va, albatta, yaxshi do’st edi, hozir esa turli mamlakatlarda yashashimizga qaramay, biz bir xil munosabatdamiz.
Bunday lavozimni egallash qiyin bo’ldimi? Bu vaqt ichida qanday saboqlarni o’rgandingiz?
Yuqorida aytganimdek, prezident bo‘lish katta mas’uliyatdir. Mas’uliyat, chunki sizga nafaqat litsey ma’muriyati, balki bolalar ham ishonadi. Siz ularning g’oyalarining ovozisiz va ularni hayotga tatbiq etishga harakat qiladigan odamsiz. Birinchi kursda men «IHT VOLUNTEERS» yo‘nalishi boshlig‘i lavozimida ishlaganman, shu bois o‘zimni keyingi bosqichga, ya’ni prezidentlikka tayyor deb bildim. Men bilgan asosiy qoida: do’stlikni ish bilan aralashtirib yubormang. Siz hamkasb bo’lgan vaqtingiz va do’stingiz o’rtasida aniq chegara chizishingiz kerak.
SUning keyingi avlodiga qanday maslahat berasiz?
Bo’lajak prezidentga maslahatim: Agar siz buni faqat do’stligingiz yoki sizni qo’llab-quvvatlaganlari uchun qilyapsizmi, odamni yo’nalish boshlig’i roliga qo’ymang. Avvalo, insonning samaradorligi va mas’uliyatini hisobga oling. Uning muloqot qobiliyatlari va nafaqat yolg’iz, balki jamoada ishlash qobiliyatiga ahamiyat bering.
Ikki yil ichida eng esda qolarli voqea haqida gapirib bering. Xayolingizga kelgan birinchi narsa.
Albatta, xayolimga kelgan birinchi narsa kuzgi maskarad edi. Oktyabr oyida bo‘lib o‘tgan ushbu tadbir men prezidentlikka kelganimdan keyingi birinchi yirik loyiha bo‘ldi. Tashkilot ko’p kuch va vaqtni talab qildi, lekin bizning do’stona jamoamiz tufayli hammasi muammosiz o’tdi va biz muvaffaqiyatga erishdik. Litseyimiz o‘quvchilari hamda ma’muriyati mamnunligi meni juda quvontirdi.
Biz Anoraga mana shunday qiziqarli hikoyasi uchun o’z minnatdorchiligimizni bildiramiz va tez orada siz bilan yana uchrashamiz deb umid qilamiz. Ko’rishguncha!
Suhbatdosh: Abdurahmonova Ra’no, 1SG1
Suratchi: Axmedjanov Sardor, 2TN2