«TIQXMMI» MTU «International House Tashkent» akademik litseyi har yili 2020 yildan boshlab TED konferensiyasini o’tkazadi, unda litseyning iqtidorli o’quvchilari ishtirok etadi.
Har yili «Interhouse» litseyining TEDed Club konferensiyasi mamlakatimizning nufuzli taqdimot zallari va muassasalarida bo’lib o’tadi va bu yil O’zbekiston Respublikasi oliy ta’lim, fan va innovatsiya vazirligi bilan hamkorlikda tadbir bo’lib o’tdi. «TIQXMMI» Milliy-tadqiqot universiteti va «International House Tashkent» akademik litseyi rahbariyati vazirlikning katta zalida konferensiya tashkil etish imkoniyati uchun O’zbekiston Respublikasi oliy ta’lim, fan va innovatsiya vazirligiga katta minnatdorlik bildiradi!
Shuningdek, anjuman ommaviy axborot vositalari, bir qator telekanallar hamda O’zbekiston Respublikasi oliy ta’lim, fan va innovatsiya vazirligi vakillari hamda, «TIQXMMI» MTU va «International House Tashkent»akademik litseyi rahbariyati ishtirokida bo’lib o’tdi.
Har bir ma’ruzachi o’ziga xos g’oyani ilgari surishga muvaffaq bo’ldi va tinglovchilarni befarq qoldirmadi. Tadbirda turli akademik litseylarning 100 dan ortiq o’quvchilari ishtirok etdi. Ularni tadbir o’tkaziladigan joyga yetkazish uchun maxsus avtobuslar tashkil etildi.
TED konferensiyasi-bu ma’ruzachilar tomoshabinlar bilan noyob g’oyalarni baham ko’radigan va faqat ingliz tilida o’tkaziladigan tadbir. Siz har qanday mavzuda gapirishingiz mumkin: fan, siyosat, san’at, o’z-o’zini rivojlantirish, dizayn va boshqalar. Ted uslubi jiddiy mavzularda norasmiy monologdir. Hazil, taqdimotning soddaligi va hissiyotliligi tufayli murakkab g’oyalar har qanday auditoriyaning tushunishga oson bo’ladi.
Ushbu konferensiyani «International House Tashkent» akademik litseyining yosh o’quvchilari o’rtasida o’tkazishning asosiy maqsadi yosh avlodni ilm-fanni o’rganishga, o’z g’oyalarini ifoda etishga va bilimga doimiy intilishga jalb qilishdir.
Anjuman tomoshabinlari va ishtirokchilari ma’ruzachilar va ularning ustozlariga mukofotlarni topshirish marosimini alohida ta’kidlab o’tishdi.
- Abdujabborov Shahrizod (Mentor)
- Baxtiyor Shahriyor (Mentor)
- Rustamova Feruza (Mentor)
- Ten Sergey (Mentor)
- Sagirova Diana
- Alikulov Bahodir
- Atajanov Shohruh
- Hametova Alina
- G’ulomova Rumayso
- Mamadiyev Doniyor
- Rahmatullayeva Fazilat
- Kim Andrey
- Yunusov Muhammadali
Ushbu konferentsiya ishtirokchilariga sertifikatlar topshirishdan tashqari, tez orada Amirsoy tog’lariga sayohat qilish uchun Kupon ham taqdim etildi.
E’tiboringiz uchun barchangizga rahmat!
Tillarni o’rganing, chunki tilni o’rganishorqali siz yanada ochiq odamga aylanasiz va yangi yo’llarni topasiz…
Maqolani quyidagilar tayyorlashdi:
- Karimjonov Murod (matn)
- Abdurahmonov Rano-2sg1 (foto)
